Salceda de Caselas: Deportes

ÚNETE A VOLTA CHEGA A SALCEDA

Este domingo, 26 de maio serán as bicis as que cubran as rúas de Salceda.

A saída terá lugar do CEP Altamira, ás 10:30 horas. Os participantes poden inscribirse ata o venres 24 nos centros escolares ou na Casa da Cultura. Tamén poderán anotarse o mesmo día da proba de 9:00 a 10:00 horas da mañá.

Esta festa da bicicleta está organizada pola ANPA do CEP Altamira e a Deputación, coa colaboración da Concellería de Deportes do Concello de Salceda.

Ademáis, esta marcha conta co patrocinio de todas as panaderías de Salceda, varias comunidades de montes e a empresa Frigolouro. Tamén se conta coa axuda da Policía Local e do Clube Ciclista Aragonta.

O prezo da inscrición é un brick de leite, para o programa de alimentos, que poden deixar o día da marcha no lugar de inscrición ou entregalo no Concello.

Este marcha ciclista xa ven cebrándose no Concello fai máis de 30 anos, nun comenzo co motivo das letras galegas, converténdose agora mesmo nun evento moi relevante, contando o ano pasado con máis de 500 participantes.

A Concelleira de Deportes, Marina Cabaleiro, quere seguir convidando a todos os veciños e veciñas a participar nestas actividades deportivas en familia, das que se están preparando novas propostas, ademáis de darlle continuidade a outras iniciativas como a San Silvestre do Concello de Salceda, En busca do callo perdido ou a I 10K que se celebrou o pasado 5 de maio e que contou con máis de 800 participantes.

Únete á volta: 26/05/2013

VI Andaina Concello Salceda de Caselas

Xa está en marcha o periodo de inscripcións para a VI Andaina de 30 ou 50 km organizada polo Centro Cultural do Coto

Xa está aberto o periodo de inscripciós para a VI Andaina de 30 ou 50 km polo Concello de Salceda de Caselas, organizada polos integrantes do Centro Cultural do Coto.É a única Andaina que se realiza na provincia de Pontevedra e que está na copa de Galicia de Andainas.

A cita terá lugar o próximo día 1 de Xuño do 2013, tendo como punto de partida o Centro Cultural de O Coto ás 9 da mañá. Os camiñantes percorrerán as Ribeiras do Río Tinto, Caselas, Miño e ouro, disfrutando do entorno ripícola que acompañará gran parte do percorrido que transcurrirá maioritariamente polo Concello de Salceda de Caselas, así coma por determinados puntos dos Concellos de O Porriño, Salvaterra e Tui.

A Andaina componse por dous percorridos coincidentes de 30 km, de maior llanura e de grao de dificultade fácil, e o de 50 km que terá algúns desniveis que trán lugar nos primeiros 20 km, sendo o percorrido posterior de maior facilidade.

Todas as persoas que desexen participar poderán inscribirse en http://bretema.uvigo.es/andaina.htm, no correo electrónico manolo-andarin@hotmail.com. É moi importante inscribirse antes do 24 de maio, xa que é a data límite para anotarse a Andaina. O custe da Andaina é de 12 € por pesona, 10€ para as persoas que están federadas.

Xa son moitas as edicións realizadas polo Centro Cultural do Coto, que cada ano conta con máis de 700 participantes que percorren o noso territorio. É unha laboura e gran implicación por parte dos veciños que traballan arreo para a organización da camiñata que permite, ademáis da realización da proba deportiva o coñecemento do medio natural do noso entorno.