Situación    

Está situada ó S.E. do termo municipal e a 4 Km. da capital do concello. Destacan nela os montes Faro, Chan de Castro e Castelo, e as súas fincas están regadas polos ríos Caselas e Landras.

 Historia    

Localízanse nela xacementos castrenses.

Na Idade Media existiu un castelo co nome de Castelo de Toroña, o cal xogou un papel moi importante nas loitas contra Portugal. Parece ser que no século XV foi mandado desfacer pola raíña de Castela Dona Isabel a Católica.

Durante a Guerra da Independencia asentáronse, xunto á Ermida da Ascensión, as tropas españolas baixo o mando do Abade de Couto Don Mauricio Troncoso de Lira, para reconquistar a praza de Tui que se atopaba en poder dos franceses co Xeral Barón de Lamartiniere á sua fronte.

A igrexa parroquial de posible orixe románico foi de presentación do Monasterio de Santa María de Oia, e máis tarde a algún nobre ou obispado de Tui. Especial interese teñen algunhas das súas imaxes barrocas, así coma un cruceiro, tamén barroco, do ano 1680.

No lugar chamado A Corisca hai un pazo que pertenceu ó Xeral Rubio, personaxe de moita influencia nos destinos desta parroquia.

Existe tamén un cruceiro barroco do 1680.

Sitios de Interese    

SENDA DO RÍO CASELAS. SENDEIRO DE AGÜÍN

SOBREIRAS DA ASUNCIÓN

ESPICHO DO FARO

CENTRO DE DESENVOLVEMENTO LOCAL DE O TORRÓN