Tendo en conta o papel actual dos medios de comunicación como axentes socializadores, canles de transmisión da información, ou creadores de opinión, a súa importancia resulta evidente no marco dun plano de acción contra a violencia de xénero. O seu poder para loitar pola eliminación de estereotipos, ó mesmo tempo que se corrixen posibles distorsións na transmisión de información, e foméntase unha imaxe das mulleres que se corresponde coa súa situación actual, e indiscutible.
 
Obxectivo 1: Concienciar ós medios de comunicación sobre a responsabilidade que teñen na promoción de imaxes non estereotipadas de mulleres e homes, e na eliminación de modelos de conduta potencialmente xeradores de violencia.

Obxectivo 2: Sensibilizar ós medios sobre a súa función como vía para informar e educar á poboación achega das causas e dos efectos da violencia contra as mulleres, e para estimulalo debate público sobre o tema creando un estado de opinión que rexeite as condutas agresivas.

Obxectivo 3: Implicar ós medios de comunicación na labor de transmitila información sobre a violencia de xénero de modo adecuado, libre de sensacionalismos, para evitar así mensaxes equívocas e perigosas.

Obxectivo 4: Promover unha vixilancia permanente dende os propios medios sobre os contidos violentos, condutas agresivas e a transmisión de papeis sexistas.