O percorrido iniciarase no Centro Cultural de Parderrubias as 10:00 da mañá onde se percorrerá o perímetro que colinda coa parroquia de San Esteban de Budiño, realizando un pequeno percorrido pola mesma. Na metade do percorrido se fará unha parada con zona de avituallamento no Penedo do Redondo e continuarase cara o Espicho do Faro.

O evento terá lugar o sábado 5 de maio, sendo a inscripción gratuíta e que se poderá realizar a través de secretariaalcaldia@salcedadecaselas.es ou na mediorural@salcedadecaselas.es, estando dispoñible na nosa páxina web www.salcedadecaselas.es toda a información necesaria sobre a ruta, onde se especifica o percorrido e os datos que se deben aportar para realizar a inscripción.

O Concelleiro de Medio Ambiente, Cándido Lorenzo asegura que “os roteiros están a ter unha gran acollida por parte de todos os veciños e veciñas de Salceda, que acoden a coñecer o seu entorno. Ademáis cóntase cunha elevada presencia de persoas que se achegan dende outros puntos do país, así coma do noso país veciño para coñecer o noso entorno”.