A partir do día 1 de Xaneiro vaise a aplicar o novo horario para os traballadores do Concello de Salceda de Caselas.
O Concello de Salceda de Salceda vai a levar a cabo un novo horario a partir do 1 de Xaneiro do ano 2013, neste horario vanse a recoller as 37,5 h semanais que os traballadores van a ter que realizar, segundo o Real Decreto Lei 465/2012, non se fará ningunha hora máis nin unha hora menos das que se cobra.
O Goberno de Salceda chega a un acordo cos traballadores na nova distribución da xornada laboral. Establéceronse dúas Mesas de Traballo previa á Negociación cos Representantes Sindicais dos Traballadores para poder procurar un horario por mutuo acordo.
Entre as propostas debatidas na Mesa de Negociación, hoxe xoves 27 de Decembro, acórdase ampliar o novo horario que finalmente se vai a levar a cabo no próximo ano será de 7:30 ata 15:00 para unha parte da plantilla do Concello e de 8:00 a 15:30 que o desenvolverán os traballadores restantes, mantendo a hora de entrada que os traballadores viñan desenvolvendo ata o de agora, polo que se ampliará a súa xornada en 30 minutos diarios que virán reflexados na fin da xornada. No caso da Policía Local ampliarase o turno de mañá que pasará a ser de 7:30 a 15:00.
O Concelleiro de Persoal, Jose Luis González, entende que nun tempo no que por parte das administracións se recurtan servizos, se eliminan dereitos sociais e laborais e se piden esforzoa a unha cidadanía que non provocou a grave crise que se lle está obringando a pagar, é xusto e necesario que os Concello dean exemplo e leven adiante medidas estructurais que melloren, xustifiquen e evidencien o compromiso co Servizo Público e coa veciñanza dende os Responsables políticos aos Técnicos Municipais, dende o Alcalde ao último traballador.
É moi importante chegar sempre a un acordo entre todas as partes para desenvolver o traballo da forma máis rendible e productiva, defendendo firmemente a acción política dende o ámbito público para garantir a igualdade e benestar da maiorías sociais, asegura Jose Luis González. O Goberno non vai a por trabas en realizar Mesas de Negociación Colectiva cos traballadores, para poder chegar a un consenso productivo entre ambas partes.
Nota de prensa do pleno do 29 de agosto
Os orzamentos para o ano 2012 aprobáronse definitivamente no pleno do venres 31 de Agosto, nos que se incrementou a partida de inversión en 60.243,01 para poder poder facer frente ao pagamento dunha obra realizada no ano 2003 que quedou pendente do anterior goberno. Polo que a cifra total de investimento pasou a ser 343.102,83 onde se van a acometer obras como a mellora de abastecemento de auga na vila, a sinalización das parroquias no casco urbán, a dotación de medios necesarios para adecuar o Centro de Desenvolvemento Local do Torrón como unidade canalizadora de políticas de emprego, a continuación da Senda do Río Caselas dentro do convenio de colaboración coa Confederación Hidrográfica, entre outros.
No tocante a reducción de custes procedeuse a unha diminuciónn na partida de Asignación a Partidos Políticos dun 30%, ao igual que a Festexos e a partida de alumeado público coa implantación do plan de aforro enerxético e a de publicidade nun 56%.
Con estos orzamentos aprobados definitivamente, as liñas xerais van condicionadas ao plan de axuste aprobado en pleno no mes de marzo, onde se marcaban as pautas de reducción de gastos e incremento de ingresos para nivelar á
tesourería municipal nun plan de viabilidade a 10 anos.
Entre os puntos presentes na orde do día, constaba a aprobación definitiva das ordenanzas de uso e prezo do auditorio, onde se regulan o custe do aluguer para uso do auditorio e o prezo público de entrada establecido en función do custo da actuación.
Por outra banda coa finalidade de facilitar a apertura de locais comerciais, eliminando trabas administrativas e axilizando a posta en funcionamento do comercio local se aprobou inicialmente as ordenanzas de “apertura de establecementos”, de “expedición de licencias urbanísticas” e de “ICIO”. Desta forma o Concello adáptase ao Decreto Lei de “Medidas urxentes de liberalización do comercio e determinados servizos”.
Esta fórmula está a ser ben acollida polas asociacións empresariais, a través da comunicación previa pola que os emprendedores presentan a declaración responsable no que asumen o cumplimento da normativa, sendo os técnicos municipais os encargados de supervisar que se cumplan os requisitos legais.
Marcos Besada, Alcalde de Salceda, declara que “estamos a traballar para mellorar a situación dura que está a atravesar o pequeno e mediano comercio, nestes momentos de crise, pretendemos facilitar a apertura de locais comerciais para todos aqueles emprendedores que se queiran instalar no noso concello”.
A través do mecanismo de financiación asignado hoxe polo alcalde con Bankinter, pagaranse nos próximos días aos proveedores 798.683,11 euros
O mércores 23 de maio o Concello de Salceda de Caselas e a entidade Bancaria Bankinter, designada polo Estado, asinan a operación de crédito que permitirá pagar as facturas pendentes ata o 31 de decembro do ano pasado aos proveedores, autónomos e empresas. A contía do crédito ascende a un total de 798.683,11 euros correspondentes ao pago de 532 facturas. O pagamento poderase realizar, segundo estimacións do responsable da oficina bancaria, entre o 27 e o 30 de mayo .
Desta forma permíteselles aos proveedores o cobro da súa débeda sen verse repercutidos pola dificultade económica que están a atravesar os concellos ao ter que afrontar unha serie de custos que non son da súa competencia para poder seguir dando servizos básicos á cidadanía, como son os servizos socias que foron reducidos drásticamente por parte da Xunta de Galicia.
A parte negativa a asimilar, por parte dos concellos, é asumir un tipo de interese do 5,939% nun periodo de amortización do crédito de 10 anos. As condicións da operación de pago a proveedores fixan un préstamo que terá un periodo de carencia de dous anos, polo que ata o 2014 o Concello só pagará os xuros. Esta cuota será revisable trimestralmente polo que está suxeita a variacións, que podan rebaixar a contía ou pola contra incrementala.
Jose Luis González, Concelleiro de Facenda, di que “é unha importante inxección económica para as empresas locais, sobretodo tendo en conta os tempos de crise que estamos a vivir. O que non é asumible é o tipo de xuro imposto para poder realizar estos pagamentos próximo ao 6%, tendo o Concello que afrontar un pago que vai en decrimento das arcas municipais”.
O Goberno de Salceda seguirá a buscar unha alternativa legal á decisión do PP de eliminar a paga extra aos empregados públicos
O Alcalde de Salceda, Marcos Besada, anunciou que o goberno municipal vai aplicarse a si mesmo as medidas que o PP vai aplicar aos empregados públicos, e renunciará á paga extra de Nadal.
A medida vai afectar ao Alcalde, aos concelleiros e concelleiras que teñan dereito a dita paga e ao persoal de confianza. Así mesmo, vai propoñer aos grupos políticos a renuncia a cobrar as asistencias a plenos, comisións informativas e comisións de goberno do mes de decembro de 2012. A súa aprobación suporá un aforro de 13.800 €
O goberno municipal do BNG-PSOE vai adicar o importe das pagas extras aforradas a fins sociais relacionados coa grande crise que están a padecer moitas familias de Salceda, e a compensar os recurtes que o PP está a aplicar no benestar social, a promoción educativa ou o fomento de emprego.
Marcos Besada, Alcalde de Salceda, afirma que “o Goberno de Salceda ten que facer un esforzo solidario, tanto cos empregados públicos, coma moi especialmente coas familias de Salceda que se atopan nunha situación crítica”.
Marina Cabaleiro, Tenente de Alcalde, afirmou que “a Xunta de Feijoo recurtou a Salceda de maneira drástica as axudas para axuda no fogar, para a aula matinal ou para as políticas de emprego. Dende o goberno municipal queremos contribuir a parar esta situación”.
Por outra banda, o Goberno municipal vai cumprir, en principio, coa obriga de non abonar a paga extra dos empregados municipais tralo informe contundente da secretaría municipal, que di taxativamente que “non se pode rexeitar a medida e compensar a perda de poder adquisitivo dos empregados que queden sen paga extraordinaria do mes de decembro. Os artigos 1 e 9 da Constitución impiden que un acordo do Concello contraveña unha norma de rango superior, como é o R. D. Lei 20/2012”.
Marcos Besada, Alcalde de Salceda, afirma que “eu agora mesmo teño que cumplir a lei. Se de aquí a decembro aparece algunha posibilidade legal de atopar unha solución alternativa por parte dos servizos xurídicos, eu intentarei facelo. Este problema creouno Rajoy e o PP, que son os máximos responsables e os que crearon esta inxustiza cos empregados públicos”.
Salceda de Caselas aproba unha ordenanza que grava a bancos e caixas pola instalación de caixeiros automáticos na fachada das entidades financieiras.
O Concello de Salceda vai a por en marcha a nova ZONA AZUL GRATUÍTA na rúa Pontevedra dende o enlace coa rúa Doutor Zunzunegui ata o enlace coa rúa Brasil. Zona que conta con locais de actividade comercial e de servizos municipais e administrativos.
