Os días 22 e 24 de maio, de 9:30 a 14:30 horas terá lugar un seminario de inserción laboral (autoemprego cooperativo). Este seminario é organizado pola Unión de Cooperativas de Traballo Asociado-UGACOTA, en colaboración coa Oficina de Fomento Cooperativo da Mancomunidade de Vigo e o Concello de Salceda.
Este seminario ten unha duración de 10 horas, cun obxectivo principal que é achegar o modelo cooperativo á cidadania, e en especial a persoas desempregadas que poden optar á fórmula do autoemprego cooperativo. No mesmo, tamén se darán a coñecer casos reais e experiencias cooperativas de interese e se analizarán as potencialidades do seu entorno.
Os interesados en participar nesta acción formativa poden inscribirse na concellería de emprego e formación ou no técnico de emprego ubicado no CDL de O Torrón.
Por outra banda, o xoves 23 o CDL de O Torrón acollerá de 16:00 a 21:00 horas unha Xornada de Autoemprendemento para a mocidade. Os veciños e veciñas interesadas en montar un negocio poderán informarse de balde nesta xornada.
Esta xornada é organizada pola dirección Xeral de Xuventude e Voluntariado, dependente da Consellería de Traballo e Benestar.
Neste caso os interesados deberán anotarse no Técnico de Emprego ou na OMIX (Casa da Cultura).
OPROXECTO DRAGONFLY ORGANIZA EN COLABORACIÓN CO CONCELLO DE SALCEDA, a terceira edición da DragonMarket, que este ano, se celebrará por primeira vez no Concello de Salceda o vindeiro sábado 18 de maio, naPraza do Concello.
Esta mostra de artesanía terá un horario de 10.00h a 22.00h, e durante todo o día poderán disfrutar de fotografía vintage, comida vegana, repostería moderna, flash mob, ilustracións, antigüidades, reciclaxe, moda, música, arte e artesanías.
O mercado dinamizarase con actuacións para nenos, obradoiros,xogos, etc.
Esta idea nace coobxetivo, de que a mostra de artesanía se repita cada terceiro sábado de mes, naPraza do Concello.
A Concelleira de Turismo, Loli Castiñeira, convida a todos os veiñas e veciñosda vila e dos concellos próximos a que seacheguen a visitar a feira e a que disfruten do atractivo desta.
.jpg)
VI Andaina Concello Salceda de Caselas
Copa Galicia de 50 km (2013)
Inscrición en: http://bretema.uvigo.es/andaina.htm
A Casa da Cultura Castelao, en Salceda de Caselas, ven de acoller a presentación do domingo gastronómico que se vai celebrar este domingo día 12 en Salceda. Tres parroquias do municipio acollerán outras tantas festas gastronómicas, formando así unha mañá de domingo gastronómica con productos para tódolos gustos.
VII Festa do polbo en San Xurxo
Organizada pola Comisión de Festas Santa Bárbara 2013. O seu presidente, Juan Manuel Lemos anunciou que se venderán tapas a 10 € e racións a 17 €. Ademáis contarán con productos complementarios como empanada, tortilla ou callos. A festa celebrarase a partires das 11:00 no torreiro de festas de San Xurxo.
II Festa do bacallau á brasa en Budiño
Organizada polo Centro Cultural O Coto. Na rolda de prensa estivo a súa vicepresidenta Violeta Trigo, que confirmou que a ración de bacallau con cachelos, pan e viño venderase a un prezo de 7 €. A festa celébrase no Centro Cultural O Coto de Budiño, e complementa a súa programación coa celebración dun mercadiño no que se poderán atopar artigos tanto novos como de segunda man, e no que se abrirá tamén a posibilidade de facer trocos en vez de compra-venta.
I Festa da angula en Soutelo
Organizada pola Comisión de Festas de San Liborio 2013. Luis Lamas, un dos componentes de dita comisión estivo tamén presente no acto. Neste caso a ración de angula venderase a 28 €, existindo tamén a posibilidade de mercar os vales anticipados por 25 €. Completan tamén a oferta gastronómica con callos, xamón asado e empanada. A parroquia de Soutelo conta con viveiros de meixón, e a comisión quixo agradecer a súa colaboración coa festa.
Loli Castiñeira, Concelleira de Turismo aproveitou para convidar a salcedenses e foráneos a disfrutar deste domingo gastronómico en Salceda. “É a ocasión perfecta para pasar o día en Salceda e disfrutar do entorno, as sendas, os espazos naturais…”
Teresa Pérez, Concelleira de Festas, salientou unha vez máis o dinamismo da sociedade salcedense. “Temos o orgullo de ter un tecido asociativo imparable, con moitas ganas de facer actividades. Salceda é coñecida xa pola grande cantidade de festas e actos culturais que se celebran prácticamente tódolos fins de semana, e este domingo gastronómico é a mellor mostra disto”.
Os participantes da “I 10K Concello de Salceda” sustituiron aos coches nas rúas da vila o pasado domingo 5 de maio.
Un total 858 atletas repartidos nas distintas carreiras percorreron 10000, 2500, 1000, 500 e 150 metros, segundo a categoría na que participaban.
A carreira absoluta, que tivo a súa salida ás 10:30 horas, percorreu 10000 metros por varias das parroquias do concello ademáis de parte do casco urbano. Nesta carreira absoluta os mellores tempos foron para Santiago López Rodríguez (31,47 min.), Daniel Bargiela Araujo (32,23 min.) e José Alberto Dasilva (34,16 min); no caso das féminas os mellores tempos foron para Ariana González Verde (42,06 min.), Ana Belén González Garrido (43,38 min.) e Mónica Gonzáles Rocha (46,01 min.). No caso da mellor salcedense nas categorías absolutas, Davinia Vaqueiro Martínez fixo un tempo de 45,09 min.
No resto das carreiras participaron rapaces nados entre os anos 1998-2000 (categoría A-2500 metros), do 2001-2003 (categoría B-1000 metros), nados entre o 2004-2006 (categoría C - 500 metros) e do 2007-2011 (categoría pitufos - 150 metros).
A Concellería de Deportes, que dirixe a tenente alcalde Marina Cabaleiro quere agradecer especialmente a colaboración da Bolsa de Voluntarios de Salceda, Policía Local, Voluntarios de Protección Civil, Escolas Deportivas Municipais e empregados do concello que se volcaron na organización deste acto.
Tampouco queremos esquecernos do agradecemento ás 35 casas colaboradores (comercios, hoteis, hostelería, talleres...) que subvencionaron os agasallos que se entregaron cos trofeos aos gañadores da categoría absoluta.
En total entregáronse 60 trofeos nas distintas categorías da carreira absoluta e 48 trofeos nas categorías menores. En todas as carreiras se entregaron premios aos mellores tempos e tamén aos primeiros salcedenses.
Marina Cabaleiro “despois da boa acollida desta carreira, e das felicitacións pola organización e diseño do percorrido que nos están chegando, non dudamos en volver a facer a segunda edicción o próximo ano. Estamos moi contentos do resultado xa que tivemos o centro da vila e moitas das parroquias cheas de xente o longo de toda a mañá do domingo animando os atletas”
A VI edición do Certame de Fotografía “Viaxando” organizado pola Casa da Xuventude de Tui, e as Oficinas Municipais de Información Xuvenil (OMIX) de Salceda de Caselas, A Guarda, O Rosal, Tomiño, O Porriño, Gondomar e Baiona, chega por fin a Salceda despois de percorrer os distintos concellos da Comarca.
Nesta edición correspondente ao ano 2012 foron presentados 50 traballos e o concello coordinador foi o da Guarda.
O xurado formado polos fotógrafos José Angel Gándara, Wladimir Brey e polos responsables das páxinas de información Galiciasuroeste e Infomiño respectivamente, Antón Ferreira e Jorge Alonso, proclamaron como gañadora a foto titulada Lluvia en Oxford Street, da moza de Nigrán Iolanda Gómez Fernández.
A foto foi seleccionada de entre fotografías presentadas por mozos e mozas de distintas procedencias, non só dos municipios participantes, que realizan un colorido e diverso percorrido a temática Viaxando.
Esta exposición está tamén integrada no OUTONO FOTOGRÁFICO organizado pola Casa da Xuventude de Ourense.
A inauguración en Salceda tivo lugar na Casa da Cultura o venres día 3 de maio coa presenza do alcalde Marcos David Besada Pérez e a concelleira de mocidade Loli Castiñeira; e aquí estará ata o día 31 de maio.
Coas bases da edición de 2013 (a que será a VII) a puntiño de saír do forno, chega a nosa vila unha actividade con grande tirón entre a mocidade de Salceda, pois das 6 edicións anteriores houbo tres gañadores pertencentes ao concello de Salceda.
O ALCALDE-PRESIDENTE DO CONCELLO DE SALCEDA DE CASELAS
FAI SABER
As condicións meteorolóxicas con rexistros de alta pluviosidade deste inverno, está a propiciar coa axuda de temperaturas máis elevadas na época da primavera, a un crecemento da biomasa forestal elevado, o cal conleva a un importate factor de alerta de cara ás condicións óptimas de propagación de incendios forestais. As zonas próximas a vivendas son de carácter prioritario por posibilidade de propagación de incendios ás vivendas.
O estado actual das áreas forestais e rurais, presenta parcelas con abundante maleza, e a cobertura árborea presenta abundante ramosidade. Gran parte das ramas están caidas ou en risco de caerse, o cal provoca que as vías públicas se vexan cheas de ramaxe e follaxe, co conseguinte perigo para a circulación de vehículos e para os viandantes que conleva, xa que no caso de que se producira un accidente por mor da follaxe existente na vía pública o Concello reclamará a responsabilidade aos propietarios dos terreos e parcelas.
A isto se lle incrementa a problemática da desparición do GRUMIR, corpo encargado, entre outras labouras de intervención, da realización de tarefas de Prevención de Incendios Forestais, a través da realización de traballos silvícolas imprescindibles para acondicionar as áreas, xerando a discontinuidade vexetal da maleza e do estrato arbóreo, que permite unha maior seguridade para combatir os Incendios Forestais. E que sobre todo eran un corpo de intervención inmediata na caída de arborado ou ramosidade na vía pública, axilizando a eliminación do obstáculo, e que agora, os propietarios terán que realizar esas tarefas de acondicionamento das súas parcelas, evitando o derrumbamento de árbores.
Dende o Concello recordase a todos os propietarios de parcelas a obriga que os artigos 9 e 199 da Lei 9/2002, de 30 de decembro, de ordenación urbanística e de protección do medio rural de Galicia, establecen ao respecto, esto é os terreos e parcelas deben estar limpas de malezas e deberase de proceder á poda das árbores de maneira tal que as polas das mesmas non sobrevoen a vía pública, xa que do contrario o Concello verase obrigado a iniciar expediente de reposición medioambiental, coa finalidade de que se proceda a limpeza das parcelas e a poda dar árbores a efectos de mantelas nas debidas condicións de seguridade, salubridade e ornato público.
Débese advertir que no caso de que non se dirá cumprimento ó ordenado polo Concello, a Lei establece a posibilidade de impoñer multas coercitivas de 300 a 6.000 euros reiterables ata lograr o cumprimento do ordenado.
Por iso, e en aras a evitar prexuízos tanto para os propietarios das parcelas como para o Concello de Salceda de Caselas, infórmase a todos os propietarios de terreos e parcelas que procedan a limpeza da maleza das súas propiedades, así como a evitar que as polas das árbores voen sobre a vía pública, debendo proceder a súa poda no caso de que así fora, para evitar posibles accidentes na vía pública.
O que se anuncia para público coñecemento
Salceda de Caselas, a 30 de Abril de 2013
O Alcalde - Presidente
Asdo.- Marcos David Besada Pérez
